要怪也只能怪自己未得道成仙。

album: 2008 winter ZHOUSHAN + NINGBO

> album here

album: 2008 winter KAIPING 2 days

> album here

Le Billionaire

樓盤廣告又再進化一步，花成分鐘講個女Annabelle全世界周圍去，最後竟然去到一個金碧輝煌嘅港口，阿爸係電話問個女"Where are you, Annabelle?", "I dont know.", 阿爸就係呢個時候講左一句驚天地泣鬼神嘅說話，亦係成個廣告嘅中心思想,"You are in New Victoria!"
一頭霧水嘅家庭觀眾終於恍然大悟，原來係賣緊啲唔關自己事嘅產品。

其實個人又有啲欣賞Le Billionaire 呢個新樓盤名，唔只一貫俗套，簡單易明，易明到直情坦白，堅定不移地貫徹凡事向錢看嘅理念，"豪宅"就係(暴發戶)身份嘅象徵，作風冇絲毫嘅矯揉造作，絕對係真誠之作，我差啲就以為呢個廣告係J.D. Solomon 啲 ironic critical arguementative project...

路口

呢兩個星期嘅elective assingnment period 嘅productivity 直線上升，同埋time management 經過五年嘅磨鍊終於收成正果，唔代表唔使通頂，只係我可以做曬我諗住會交嘅野，仲有時間同班磨碌去打冷，我感覺到 時間 係我嘅掌握之中，呢一點好重要。

呢兩個星期有mission accomplished 嘅感覺。剩下嘅mission 就只有thesis. 呢年半本住 天降大任於斯人也 嘅信念，好好歹歹都算盡己綿力，餘下半年目的就莫過於enjoy thesis 嘅 production 過程，唔使大包包仔女同我過panic 24hrs，就功德無量啦。
最後一年係收成期。

人到路口，又左顧右盼。最近幾年經驗話我知，我坐定定年幾就會想轉個環境。以前中學要幾專心有幾專心，坐定定坐足五年，而家？building code 讀兩日已經爆depressed. 我變左。

放假要釋放，要釋放情緒，暢快玩一餐，winter depression 要醫一醫。

之後要找寄託，找archi以外嘅寄託。

太多太多未完成嘅自己，但唔可以為完成而完成。呢個態度你可以叫懶，又可以叫隨心而行。

Crazy World

感情已經夠化學，人 更加化學到不得了。

我想睇海角七號
我可以睇長江七號都得
但係可唔可以唔睇神州七號睇足七日七夜...

原來一句集體負責就唔使負責。

sogo 全場大減價，竟然有sale 爆出一句"正價都有折"...

仲有間電視台炒完人話因為日後要減少戲劇製作，乜呢間電視台嘅戲劇製作仲有得減少咩?

以前戲裡面啲衰人都係為左錢認契弟者... 而家為左筆遺產竟然要宣示俾全世界睇我係小甜甜既小白臉，咁先叫dramatic... 想嘔...

It's a curse!

唔通我係天剎孤星，點解你地個個都會分手嘅?

Mutated

I cant find a way to deny the fact that I am different, in its neutral meaning.

Shit.

Mrs Fields cinnamon cookies taste like shit.

Different

Sometimes you need to tell yourself, "Dare to be the same."

計劃計劃計劃

計劃計劃計劃......
這些年討厭計劃，討厭因為害怕、膽怯、冇信心而計劃；但我偏偏需要計劃。
因為冇計劃，我可以一事無成咁過；一日、一星期、一個月...... 從前既定力唔知去左邊。
隨心而行唔係好work, 因為隨心而行會令我五點先訓，三點先起身。
我要定力。

album: 2008 summer TAIWAN 12days

> album here

今天是電視日

今天是電視日。明明長假期，電視應該係無野睇至係正路，但係今日無記竟然出奇精彩，睇黎都係d小眾節目比較食到我條水... 有港台既短劇，之後鏗鏘集講北京附近一條村既村長用blog招商，開放管治。就算係勁歌季選都唔係大差，係d荷媽jo飽唔知自己做緊乜囉... 同將老夫子放落south park 個效果差唔多。連之後幫cirque du soleil 賣廣告既節目都好好睇。哈哈。

但係唔該無線d字幕小心d啦...上次向世界出發謝賢係墨西哥試食d蟲，個墨西哥伯伯遞條蟲俾阿四哥，謝賢就話"si si si...", 偉大既字幕哥哥/姐姐就將西班牙文譯成"試試試..."
今日鏗鏘集又將大陸一個村長個句"行行行..." 變成"成成成..."，真係全力以赴，做到最好lac...

不過呢，今日RTHK有齣短篇劇<幸福的味道>結局，幾好睇，幾又誠意，至少夠guts成集80%對白講日文(故事發生係日本同香港)，有番d authenticity. 至於小弟聽得明既就只有10%，又係時候報intermediate, 我發誓要用餘下既一年盡力expliot HKU 既resources.
IHP o個個去日本扒雪山既program 好似又吸引，又危險，又哈殊...

搭車

之所以話環島只能算是勉強，因為每次由一個城市到另一個城市之間，往往搭好耐好耐車，次次搭成日，不過奇怪在自己又唔覺得有問題。發覺自己愈來愈鍾意搭車，只限有景睇既車。火車、電車，總有一種情意結，情意結到想用黎做thesis, 但係用情意結做archi 通常會冇好下場，況且大把人做infra, 既然自己另有路走，都係避之為妙。

算是台灣環島了

台灣回來了，勉強還可以說是環島。說是十二日，但午機去早機返，搭車時間也多，也就不算長了。在此簡敘罷了，遊記又只好放落to do list. 最想推介是花蓮，媽因為遊台時天氣惡劣沒到過花蓮，但媽說花蓮從來都是遊台熱點，從前旅行團沒有不到花蓮的，連婆婆都說花蓮很美，可想花蓮紅了幾多個年頭。
偏偏今日人人（只說是香港人）不是台北三天就是墾丁四天，統一到爆，或者因為像遊伴說的，香港人既旅遊目的地係U magazine 或新假期幫佢地定的。因此出現像老爸說的"睇風景台灣點比得上大陸"的一般誤解，當然墾丁比不上大陸，九份比不上大陸，但太魯閣絕對世界級。大陸也養不出十分的老鐵道韻味。

btw, 開學了，休息夠，好refreshed，條能量bar都幾滿，但係其實thesis都幾迷惘。

不是中央照顧你們, 香港完蛋了

不是香港有言論自由保護你, 你完蛋了。

我俾架飛機你飛返去，你試下返到大陸再講多一次，你仲唔係挑釁港人分裂國家?

南奧塞梯

唉... 請不要再打仗好了。

200808080800pm

每逢過一個大event, 一個好刺激，期待已久既magic moment 之後都會又一種莫明既失落感。過程係好興奮，但係興奮一過，又好似冇乜寄託，冇乜勢藝。過O如是，year3 final如是，完成44天歐遊如是，睇Linkin park如是，即使係電視睇奧運開幕亦如是。偏偏上個禮拜睇Travis 冇呢個感覺。原來一件事唔太over-exicted, o岩o岩好足夠，feeling good咁過係最舒服架。

BTW, 疆獨團體發出錄影帶　威脅對北京奧運不利:"中國新疆的伊斯蘭分離主義團體又發布錄影帶，威脅對北京奧運不利，內容包括火焰吞噬北京奧運標誌以及一處奧運場館上空發生爆炸的影像"

疆獨團體搞恐襲咪算囉，做乜同張藝謀爭飯食呢?

講開先講...其實北京奧運開幕都好好睇，論個別場口，最開頭既"pixel打鼓"同之後既"字粒波浪" 梗係技驚四座，但係論整體論流暢，我都係鍾意2000年悉尼個一次多d... 同埋d props 好似有d 雞，唔係雞在唔夠大唔夠靚，而係玩得唔夠盡，樣樣props都係用得一次。悉尼d props setting 就多d 一雞兩味囉... 北京梗係用曬d 錢係鳥巢，同地下個LCD 度，好多視覺效果其實都係靠個LCD 撐著個場面。不過，的確頭幾個場口係幾屆以黎最靚架!

Sydney 2000 OC
Settling Australia (1) [The Tin Symphony]

the first 2 mins and last 2 mins are the MUST-SEE.

唔知2012倫敦會搞乜呢? 勉強都係我半個祖國丫，北京唔要我o者，如果可以返去倫敦take part 就好啦! 我有一個夢想，就係想take part 奧運開幕既design 啦!

Travel Album

揼左個幾禮拜，終於揼好個web album, 先由year1 d相整理到而家個d, 再batch rename, rename folder, resize, rotate, 搵program, 搵free host, 唔係咁得閒都唔會的得起心肝。而且呀... 呢d野一勞永逸既，以後update就照版煮碗。想做好耐但係未做既事又完成一件!

iPHONE變成yPHONE...

即係唔係攪gag呀...

中伸書院送iPhone招副學士 教育界轟助長送禮搶學生歪風

身為教育界，竟然可以用同教育完全無關既著數作為招徠，而唔係用心機教學生。唔係將責任推到一間學府，係第一日點解可以令呢個風氣煉成？問題唔係個埃風東風西北風，而係...個宣傳手發既潛台詞好恐怖。即係話呢間學校認為學生入黎都唔係為讀書，而自己亦只為收學費。唉...左眼淨係見到個潮字，右眼淨係見到個錢字。

雙城記 一

尋日唔覺意發現大陸都已經有google map，仲可以zoom 好入，又有排睇囉... 但係點解深圳同香港接唔埋既?


又講開google map, 由前港督府穿過匯豐銀行到海邊既一條地底著草秘道可能已經係公開秘密(邊會只係話唔可以遮住匯豐大班個view 咁奇怪)，尋日聽網台原來話仲有一個地底隧道NETWORK，其實係港燈用黎確保港英政商中樞機關既輸電(又或者鬼佬生活既地帶啦)，但係竟然有雙線行車咁闊，無錯，係雙線行車。仲有原來其中一個出口係寶雲道，印象中只有經過寶雲道一次，的確係兩旁大樹，而且鬼咁長，由大坑一直到中環，話係走佬都幾有說服力，而且係寶雲道盡頭既玫瑰崗學校係香港第一間有校車既學校，甚至，點解呢間學校唔租要買咁多架米白黑色校車呢?，由前港督府到皇后碼頭畫一條直線，加上寶雲道，有幾多同港英有關既機關同上流人士既府第? 仲有另外一個出口竟然係港大後山既電站!!!(即係而家既Centenial Campus) 有無人夠膽去睇下? 哈哈

咁而家係咪要挖地道上深圳? 話時話 zinc 姐唔係話上深圳咩?"

NEWSS

呢排d新聞真係百花齊放...

三十餓熊包圍俄礦場 兩人被生吃 >>> location of Kamchatka (俄羅斯遠東堪察加半島)


前太空人﹕外星人多次訪地球 >>> Edgar Mitchell by UFOdisgest


Paper misspells its name on front page


奧運售票混亂公安推撞港記 >>>
"有線電視」記者在採訪其間被公安捏頸並推倒地上，致頸部紅腫。「無線電視」攝影師的攝影機被推跌在地上，觀景器斷裂。"
"民警張某睪丸受傷，需留院觀察" osh...慘...

S D O

星期三做完 competition , 又KO一樣，係時候全速計劃台灣環島遊。

長洲關帝寶誕

呢兩日食到爆肚呀。Mc記,lunch,街頭小食,甜品,渣華道街市總共五餐，由朝早10點食到夜晚10點冇停過。真係冇停過!
唔明點解明明係諗住做d健康活動，先話入長洲，又碰巧關帝寶誕，但係係我地野獸既天性之下，變成獵食之旅都係好自然既事，再次證明我地跟本已經無可救藥，亦樂如無可救藥。

長洲色彩 >>> album




相 對我來講只為旅程景色際遇心情留下記錄。影唔影到，多左個俗氣招牌，都只不過一己執念。如果假日閒遊影幅相都要靚得出眾，平日勞碌工作時，仲未比較夠?
相 永遠會有更靚。技術, 器材，一世追不上，慢慢來，最核突莫過於 try too hard.

原來心情內在方才重要。澄明清澈，從工作中稍微走開一步已有海闊天空。

賦閒在家

日語課上完，賦閒在家。